Лондоны Амьтан Судлалын Нийгэмлэг (ЛАСН) нь 1826 онд байгуулагдсан дэлхийд танигдсан байгаль хамгааллын шинжлэх ухаан ба хамгааллын үйл ажиллагаагаар тэргүүлэгч байгуулага юм. ЛАСН нь даян дэлхийн хэмжээнд амьтад, тэдгээрийн амьдрах орчныг хамгаалах, хамгааллын үйл ажиллагааг дэлгэрүүлэх Эрхэм Зорилготой. Дэлхийн хэмжээнд 80 гаруй оронд байгаль хамгаалал, судалгааны чиглэлээр үйл ажиллагаа явуулахын сацуу Амьтан Судлалын Институттээ шинжлэх ухааны судалгаа хийж, Лондоны болон Випснедийн амьтны хүрээлэнгүүдээр дамжуулан байгаль орчны боловсрол олгож, олон нийтийг байгаль хамгааллын үйл ажиллагаанд хувь нэмрээ оруулахыг уриалан ажилладаг.Тус нийгэмлэг нь 180 гаруй жилийн хугацаанд мэргэжилтнүүдийг нэгтгэн шинжлэх ухаан болон байгаль хамгаалалд тулгарч буй бэрхшээлийг шийдвэрлэхийн тулд дээд хэмжээний уулзалт, хурал, үндэстний болон олон улсын хэмжээний семинарыг зохион байгуулж олны хүртээл болгох зэргээр олон талт үйл ажиллагаа явуулсаар иржээ.

2003 онд ЛАСН нь МУИС-тай хамтран Степ Форвард Хөтөлбөрийн хэрэгжүүлж, 2015 оноос ЛАСН-ын Монгол дах салбар үйл ажиллагаагаа явуулж эхэллээ.