The New Media Marketing Agency нь Монголын мэдээлэл технологи болон маркетингийн хөгжлийг шинэ түвшинд хүргэж дэвшилтэт медиа маркетингийн салбарт дэлхийд өрсөлдөхүйц бүтээгдэхүүн үйлчилгээг хүргэх зорилго тавин 2010 оны 6-р сарын 2-нд байгуулагдсан билээ. Одоогоор Удирдлагын зөвлөлийн баг, Маркетингийн газар, Технологийн газар, Дизайны газар гэсэн бүтэц зохион байгуулалттай ажиллаж байна.

Бид хувь хүн, байгууллагын онцлогт тохирсон маркетингийн үйлчилгээ үзүүлэхдээ Интернэт маркетинг, цахим хуудас, цахим систем, нэмэлт програм хөгжүүлэлт, дизайны шийдэл зэргийг нэгтгэн Интернэт маркетингийн цогц бодлого боловсруулж ажилладаг. Маркетинг, цахим хуудас, програмчлал, дизайны шийдэл зэрэг нь уялдаагүй салангид гүйцэтгэл биш харин уялдаатай нэгдмэл гүйцэтгэл байснаараа илүү амжилтанд хүрч буйг бизнесийн түүхүүд харуулж байна.

Тиймээс Технологийн газар нь харилцагчдын цахим хуудас, цахим систем хөгжүүлэлт, мобайл програм хөгжүүлэлт, хэрэглэгчтэй харилцах удирдлагын систем, цахим шуудангийн маркетингийн систем гэх мэт бусад шаардлагатай програм хангамж боловсруулдаг бөгөөд тухайн хөгжүүлэлтүүд нь Интернэт маркетинг хийхэд хамгийн тохиромжтой байх шинэ технологиуд суурилагдан бүтээгддэг. Дизайны газар нь харилцагчийн цахим орчины дүр төрх болон имидж бүрдүүлэлтийг боловсруулахаас гадна бүтээгдэхүүн үйлчилгээний дизайны шийдэл, хэвлэлийн дизайн зэрэг дагалдах дизайны шийдлүүдийг боловсруулж ажилладаг. Маркетингийн газар нь харилцагчидийн онцлогт тохирсон Интернэт маркетингийн бодлого, шийдлийг боловсруулж гардан гүйцэтгэж ажиллахаас гадна маркетингийн кампанит ажлуудыг амжилттай төлөвлөж, хэрэгжүүлэх талаар зөвлөгөө өгч, сургалт зохион байгуулж хамтран ажилладаг.