"Номадик Экспидишнз" ХХК нь 1992 онд аялал жуулчлалын чиглэлээр үйл ажиллагаа явуулах зорилготойгоор үүсгэн байгуулагдсан. Анх байгуулагдсан цагаасаа эхлэн Монголын тэргүүлэх тур операторуудын нэг болж харьяа төрийн дээд байгууллагаас удаа дарааллан шагнагдаж байсан.

Манай байгууллага дэлхийд танигдсан томоохон тур операторуудтай хамтран ажилладаг. Манай байгууллага Монгол улсын өнцөг булан бүрт адал явдалт, авто, ан амьтан ажиглах, түүхийн, палентологийн чиглэлийн аялалуудыг зохион байгуулахаас гадна Бутан, Төвд зэрэг улсуудад аялал зохион байгуулдаг.

2002 онд "Говийн Гурван Тэмээ" дэлхийн стандартад нийцсэн тансаг зэрэглэлийн 2 цэцэгтэй жуулчны баазыг Өмнөговь аймгийн Булган сумын нутаг Булагтай ууланд байгуулсан бөгөөд жилд дунджаар 800 гаруй жуулчин хүлээн авдаг, нэг ээлжиндээ 50-80 хүлээн авах хүчин чадалтай.

2014 онд "Говийн Гурван Тэмээ" жуулчны бааз "Үндэсний Газарзүйн Нийгэмлэг"-ээс Дэлхийн 25 өвөрмөц баазуудын нэгээр шалгарсан явдал нь манай жуулчны бааз олон улсад танигдсан цар хүрээг илтгэх томоохон үнэлэлт юм.

Одоогийн байдлаар жуулчин хүлээн авах тансаг зэрэглэлийн 40 гэр, 100 хүний багтаамжтай гэр ресторан, 40 хүний багтаамжтай лоунжтайгаар үйл ажиллагаагаа явуулж байна.