М-Си-Эс Групп нь 1993 онд үүсэн байгуулагдахдаа эрчим хүчний салбарын чиглэлээр зөвлөгөө өгдөг багахан хэмжээний компани байсан бол өдгөө эрчим хүч, дэд бүтэц, мэдээлэл, харилцаа холбооны технологи, хүнс, ноос ноолууран бүтээгдэхүүний үйлдвэрлэл, түүний борлуулалт, бөөний болон жижиглэнгийн худалдаа, үйлчилгээ, үл хөдлөх хөрөнгө, уул уурхай, эрүүл мэнд зэрэг олон салбарт үйл ажиллагаа явуулдаг нэр хүндтэй томоохон  групп компани болтлоо өргөжин хөгжжээ. Сүүлийн жилүүдэд Үндэсний хэмжээнд тэргүүний гурван татвар төлөгчийн нэгээр тогтмол шалгарч байгаа М-Си-Эс Групп нь нийгмийн хариуцлагаа гүнээ ухамсарлан, 7600 орчим хүнийг ажлын байраар хангаж эх орон, хүн ардынхаа сайн сайхны төлөөх үйлсэд хувь нэмрээ оруулахыг эрхэм зорилго болгон ажиллаж байна.

Эрхэм зорилго: Дэлхийн хөгжлийг Монголд

Алсын хараа: Бид өөрийн нэрийн шилдэг брэндийг бүтээн, нийтэд түгээн хөгжүүлж, дэлхийн жишигт хүрсэн байгууллага, арга  ажиллагааг төлөвшүүлж, үйл ажиллагаандаа нийгмийн хариуцлагаа гүнээ ухамсарлан хэрэглэгч, ажилтан бүрийн эрхэм сонголт байхыг зорино.

Бидний үнэт зүйлс: Мэргэшсэн өндөр чадавхи, Манлайлал, Санал санаачилга, Багийн сэтгэлгээ, М-Си–Эссэг үзэл ба үнэнч шударга зарчим