Хүний нөөцийн баримт бичгийг боловсруулах бэлтгэх.Үүнд: хөдөлмөрийн гэрээ, тушаал, албан бичиг, ХН-ийн бүх төрлийн албан маягт (хуудас) зэрэг болно; Статистик тайлан мэдээлэлд ашиглагдах хүн ам зүй, ур чадвар ,чөлөө, илүү цаг мөн ажилчдын халаа сэлгээ зэрэг мэдээллүүдийг бэлтгэх; Хүний нөөцийн бүрдүүлэлт, сонгон шалгаруулалтын үйл ажиллагааг зохион байгуулах. Компани дотроо болон гадагшаа зарлагдах Ажлын байрны зарыг бэлтгэж сонин хэвлэл вэб болон бусад хэрэгслүүдээр зарлуулах; Ажлын гүйцэтгэлийн үнэлгээний хуудас бэлтгэх болон ажлын гүйцэтгэлтэй холбогдон гарах ажил үүргийг хариуцан ажиллах; Байгууллагын нэгдсэн сургалтын төлөвлөгөөн дээр үндэслэн ажилтан нэг бүрийн хэрэгцээ шаардлагыг харгалзан байгууллага дотор болон гадны сургалтын хөтөлбөрүүдийг хэрэгжүүлэх ажлыг зохион байгуулан явуулах; Хүний нөөцийн удирдах ажилтны даалгасан төслийн ажлыг гүйцэтгэх, шаардлагын дагуу холбогдох тайлан бэлтгэх, судалгаа хийх.
Аюулгүй ажиллагааны ажилтан нь ажлын байран дахь аюулгүй ажиллагааны бодлогын хэрэгжилтэд хяналт тавих болон учирч болох аюулыг тодорхойлж, эрсдлийг үнэлэх, мөн ажилтнуудад ажлын байран дахь ослоос урьдчилан сэргийлэх тал дээр зөвлөгөө өгөх үүрэгтэй. Өмнгөговь аймгийн Баян-Овоо сумын нутагт байрлах Цант-Уул нүүрсний уурхайд ажиллах бөгөөд дараах үндсэн үүргүүдийг гүйцэтгэнэ. Үүнд: Хөдөлмөрийн аюулгүй байдлыг ханган, байгаль орчинд сөрөг нөлөөгүй, хариуцлагатайгаар үйл ажиллагаа явуулахад оролцон ажиллах; Үйл ажиллагаанд хэрэглэгдэх стандарт, шаардлагуудыг боловсруулж, аюулгүй ажиллагааны сургалт, зааварчилгааг үр дүнтэй явуулах; Аюулгүй ажиллагааны бичгийн болон аман тайланг нэгтгэж, санал зөвлөмж гаргах, зөвшилцсөн арга хэмжээг хэрэгжүүлсэн эсэхэд хяналт тавих; Эрүүл мэнд, аюулгүй ажиллагааны талаарх тоо баримт, мэдээллийг боловсруулж, авч буй арга хэмжээнүүдийн биелэлтэд хяналт тавих; Аюулгүй ажиллагааны Олон улсын стандартыг мөрдөн, Монгол Улсын хууль тогтоомжийг баримтлан ажиллах; Осол гэмтлийн судалгаа шинжилгээ хийхэд туслах, зохион байгуулах; Хөдөлмөрийн эрүүл ахуйн хяналт хийх болон холбогдох програм-хөтөлбөрүүдийн хэрэгжилтэд хяналт тавих; Эрүүл мэнд, аюулгүй ажиллагааны төлөвлөгөөт болон нэмэлт аудит үзлэг шалгалтуудыг зохион байгуулах.
Худалдан авалт, агуулахын ажилтан нь агуулахын өдөр тутмын үйл ажиллагааг гүйцэтгэх, тухайлбал компанийн өөрийн болон гаднаас илгээсэн хангамжийн зүйлийг хүлээж авах, байрлуулах, хураах, гадагш ачуулах зэрэг тус тус үүрэгтэй. Түүнчлэн уурхайн хэмжээнд шаардлагатай байгаа бараа материал, сэлбэгийн захиалга хийж УБ хотын хангамжийн хэлтэстэй нягт уялдаатай ажиллах шаардлагатай.
Компаний үйл ажиллагааны хэрэгцээнд ашиглагдах, бараа материалын хангалт, худалдан авах ажлыг зохион байгуулан явуулах үүрэгтэй.
Хайгуул, геологичдын багийн бүрэлдхүүнд орж орон нутагт томилолтоор ажиллах. Аюулгүй, найдвартай, цэвэр тээврийн хэрэгслээр байгууллагын ажилтнуудад үйлчлэх, бичиг баримт, бараа материал хүргэх. Хөдөлмөр хамгаалал аюулгүй ажиллагааны дүрмийг даган мөрдөж, Монгол улсын замын хөдөлгөөний дүрэм болоод бусад хууль тогтоомжийг биелүүлж ажиллах. Тээврийн хэрэгсэл жолоодох аюулгүй ажиллагааны дүрмийг байнга даган биелүүлж, өөрийн хариуцсан тээврийн хэрэгслийн техникийн бүрэн бүтэн байдалд хяналт тавьж чаддаг байх. Шаардлагатай ажилд биечлэн оролцож туслах, багаар ажиллах чадвартай байх, хайгуул, хээрийн ажилд туслах.