“Улаанбаатар хотын худалдааны танхим” нь 2015 онд байгуулагдсан, нийслэл хотод үйл ажиллагаа явуулж байгаа бизнес эрхлэгчдийг дэмжих, нийслэл хотын бизнесийн орчинг сайжруулах чиглэлээр ажилладаг бие даасан танхим юм.

Тус танхим нь одоогоор 250 гаруй гишүүн компаниудтай бөгөөд гишүүдийнхээ эрх ашгийг хамгаалах, дэмжин урамшуулах төрөл бүрийн ажлыг зохион байгуулж байна. Энэ хүрээнд бид гишүүдийнхээ эрх ашгийг хамгаалах зорилгоор бизнесийн холбогдолтой хууль эрх зүйн баримт бичгүүдэд гишүүдийнхээ саналыг тусгуулах зорилгоор хуулийн хэлэлцүүлгүүд зохион байгуулдгаас гадна төрөл бүрийн судалгаа хийх, гишүүддээ зориулсан сургалт, зөвлөх үйлчилгээ үзүүлэх зэрэг ажлуудыг хийдэг.