МАХН-ын Төв хороо, Сайд нарын зөвлөлийн 1963 оны 05-р сарын 10-ны өдрийн 132 / 182 тоот тогтоолоор “Улсын Дуурь бүжгийн Эрдмийн Театр”-ыг байгуулахаар шийдвэрлэж, 05-р сарын 15-ны өдөр П.И.Чайковскийн “Евгений Онегин” дууриар нээлтээ хийсэн. Тэр цагаас хойш дэлхийн сонгодог болон үндэсний 57 дуурь, 57 балетыг тайзнаа тавьж олон сая үзэгчиддээ сонгодог урлагийн гайхамшгийг мэдрүүлжээ. Дэлхийн сонгодог урлагийн ноён оргилууд болсон Ж.Пуччини, Ж.Верди, Ж.Бизе, П.И.Чайковский, В.А.Моцарт, Л.Минкус, И.Штраус болон гадаадын бусад хөгжмийн зохиолчид, мөн өөрийн орны хөгжмийн зохиолчдын шилдэг бүтээлүүдийг тайзнаа амьдруулсан нь бидний зүй ёсны бахархал билээ. Одоо УДБЭТ өөрийн тайзнаа жилд 100 гаруй тоглолт тоглож байгаа бөгөөд үүнээс 50 орчим дуурийн тоглолт, мөн тооны балетын тоглолт, 20 орчим концерт тоглож дэлхийн олон нэр хүндтэй театрууд, дуучид, удирдаач болон бусад бүтээлчидтэй хамтран ажиллаж байна.
1. Соёл урлаг, Спорт
1950
300