“Эл Эн Жи Пром Техноложи” ХХК нь 2022.11.9-нд үүсгэн байгуулагдсан бөгөөд байгалийн шингэрүүлсэн хийн салбарт ажиллаж байгаа анхны компани юм. Тус компани нь 2023 оны 01 дүгээр сарын 20-нд КРИО байгалийн шингэрүүлсэн хий түгээх станцын шавыг тавьснаар Монгол улсад анхлан үйл ажиллагаа явуулах болсон. Байгалийн шингэрүүлсэн хийгээр ажилладаг том оврын техникийг 2022-2023 оны хооронд туршилтын журмаар явуулсан бөгөөд цаашдаа Монгол улсад байгалийн шингэрүүлсэн хийг бүрэн ашиглах зорилт тависан.

Монгол улсад байгалийн шингэрүүлсэн хийг ашигласнаар Нийслэл хотын тохижилт үйлчилгээнд ажиллаж буй техник төхөөрөмжүүдийг мөн уурийн зуухнуудыг байгалийн шингэрүүлсэн хийгээр ажилладаг болгох, Байгалийн хийн мэргэшсэн мэргэжлийн баг хамт олныг бүрдүүлэх, хэрэглэгчдын хэрэгцээг тасралтгүй хангах зорилго тавин ажиллаж байна.

“Эл Эн Жи Пром Техноложи” ХХК нь байгалийн шингэрүүлсэн хийг ашиглан Нийслэл хотод байгаа уурын зуухан халаалтыг шинэчилж байгалын шингэрүүлсэн хийгээр ажиллуулснаар нүүрсний хэрэглээг багасгаж агаарын бохирдлыг бууруулан аж ахуйн болоод эдийн засгийн эргэлтэд оруулж машин техник ба ахуйн зориулалтаар ээлж дараатай бүрэн ашиглана.