Төрийн бус байгууллагын зорилго, үйл ажиллагааны үндсэн чиглэл

Байгууллага дараах үйл ажиллагааг явуулна. Үүнд:

1.Гишүүдийн эрх ашгийг хамгаалах, мэргэжил мэдлэгээ дээшлүүлэхэд нь дэмжлэг үзүүлэх, нийгмийн амьдралд идэвхтэй оролцуулах бусад ажлыг зохион байгуулах;

2.Гишүүдийн амьдрал ахуйг судлан холбогдох санал, хүсэлтийг шийдвэрлэж, Хил хамгаалах байгууллагад уламжлах;

3.Гишүүн, түүний гэр бүлийг удаан хугацаагаар, хүндээр өвчилсөн бол эмчилгээнд мөнгөн тусламж үзүүлэх;

4.Гишүүн, түүний гэр бүлийг нарийн мэргэжлийн эмч нарын үзлэг шинжилгээнд хамруулахад дэмжлэг үзүүлэх;

5.Гишүүнийг гэр бүлийн хамт Хил хамгаалах байгууллагын амралт, сувилалд хөнгөлөлттэй үнээр амраах, сувилуулах;

6.Гишүүдийн мэдлэг, чадвар, туршлагыг залуу үедээ өвлүүлэх үүднээс сургалт, сурталчилгаа зохион байгуулах, төсөл хөтөлбөр хэрэгжүүлэх;

7.Хилчин хурандаа, захирагч нарын намтар түүх, гавьяат үйлсийг судлах, сурвалжлах ажлыг төрийн болон төрийн бус байгууллагатай хамтран зохион байгуулах;

8.Хилчин хурандаа, захирагч нарыг алдаршуулж, хилийн анги, салбар, хилийн багана,тэмдгийг нэрэмжит болгох, хөдөлмөрийн алдрыг тэмдэглэх, аудио, видео, хэвлэмэл хэлбэрээр бүтээл гаргах, хэвлэл мэдээллийн хэрэгслээр олон нийтэд сурталчлах;

9.“Тэрбум мод” үндэсний хөтөлбөр, “Ногоон хэрэм” төсөл болон бусад төсөлд хамруулах, гишүүдийн оролцоог нэмэгдүүлэх;

10.Бүх гишүүдийн уулзалт, ярилцлагыг жил бүр зохион байгуулах;

11.Байгууллагын нэгдсэн мэдээллийн санг бий болгох, баяжуулах;

12.Байгууллагын нэрэмжит шагналтай байна.