Ард Даатгал компанийн хувьд Монгол улсын компанийн тухай хуулийн дагуу үүсгэн байгуулагдаж холбогдох хууль, тогтоомж, дүрэм журамд заасан шаардлагуудыг ханган Санхүүгийн Зохицуулах Хороо (СЗХ) – ноос даатгалын үйл ажиллагаа эрхлэх тусгай зөвшөөрөл авч, үйл ажиллагаагаа явуулж буй (Тусгай зөвшөөрлийн гэрчилгээний дугаар – 2/16) хувьцаат компани юм.

Бидний үйл ажиллагаа нь Иргэний хууль, арилжааны даатгалын холбогдолтой хуулиуд болон Санхүүгийн Зохицуулах Хорооноос гаргасан даатгалын багц дүрмээр зохицуулагддаг ба тус компани нь даатгалын компанийн хувьд зөвхөн даатгалын үйлчилгээ эрхэлдэг төдийгүй Даатгалын тухай хуулийн 9 дүгээр зүйл, 49 дүгээр зүйлд заасны дагуу эрх, үүргээ хүлээн ажилладаг юм.

Ард Даатгал ХК нь 2018 онд IPO хийж, олон нийтэд нээлттэй хувьцаат компани болсон бөгөөд Компанийн тухай хууль, Үнэт цаасны тухай хууль, Санхүүгийн Зохицуулах Хороо, Монголын Хөрөнгийн Биржийн үнэт цаас гаргагчид холбогдох дүрэм, журмыг мөрдлөг болгон ажиллаж байгаа билээ.

Тус компани нь 1994 онд Монгол Улсын ууган даатгалын компани болон байгуулагдаж, даатгалын зах зээлд үйл ажиллагаагаа явуулж эхэлсэн. Өдгөө Монгол Улсын даатгалын салбарт тэргүүлэгч байр суурь бүхий олон улсад болон дотоодод нэр хүндтэй тогтвортой даатгалын үйлчилгээ үзүүлэгч болсон төдийгүй баялаг бүтээгчдийн найдвартай ар тал болон дэмжиж ажилласаар ирсэн нь Монгол улсын эдийн засаг, нийгмийн хөгжилд тодорхой хувь нэмрээ оруулан амжилттай ажиллаж байгааг харуулж байна.

Ард Даатгал ХК