“Андууд Финанс” ББСБ нь 2015 онд үүсгэн байгуулагдсан бөгөөд өдгөө Улаанбаатар хотод 2 салбартай, давхардсан тоогоор 850 гаруй харилцагчидтай, 2.5 тэрбум төгрөгийн дүрмийн сантай болж өргөжин үйл ажиллагаагаа улам тэлсээр байна. Байршлын хувьд нийслэлийн томоохон төвлөрсөн худалдааны төвүүд болох Нарантуул ОУХТ, Өгөөмөр зах болон Дүнжингарав худалдааны төвүүдтэй ойрхон байдаг тул худалдаа эрхлэгч иргэд, аж ахуйн нэгжүүдтэй илүүтэй хамран ажилладаг онцлогтой. Түүнчлэн хөдөө орон нутгийн харъяалалтай, орлого багатай буюу байнгын тогтмол орлого нь нотлогдох боломжгүй хувиараа хөдөлмөр эрхлэгч иргэдэд эргэн төлөгдөх хэмжээ болон хугацааны хувьд уян хатан нөхцөлтэй бичил зээлийн бүтээгдэхүүнээр үйлчилж байна.