Alibaba GDT Mongolia training institution

“Алибаба” групп компаниас санаачлан хэрэгжүүлдэг GDT /Global Digital talent/ сүлжээнд Монгол улс 2020 онд нэгдэж гишүүн болсон ба албан ёсны салбар болох “Alibaba GDT Mongolia training institution” 2021 онд нээн ажилуулж байна.

Уг сүлжээ нь өдрөөс өдөрт өсөн нэмэгдэж буй дижитал өөрчлөлтийг сурталчилан таниулах, мэргэжлийн, мэргэшсэн хүний нөөцийг бэлтгэн гаргах, цахим худалдааны ертөнцөд бараа бүтээгдэхүүнээ дотоодын болон гадаадын зах зээлд худалдан борлуулах боломжийг олгох зорилготой.

Монгол улсын хувьд бизнесээ өргөжүүлэх зах зээл бага, үндэсний брэнд бүтээгдэхүүнээ гадаад зах зээлд нэвтрүүлэх ажил харьцангуй удаашралтай, боломж хомс, бизнесийн орчны цахим шилжилтийг хийхэд хууль эрх зүй, дэд бүтцээс гадна цахим худалдааны орчинд оролцогч талуудын мэдлэг соёл, хандлага учир дутагдалтай байгаа тул дотоодын үйлдвэрлэгчдээ дэмжиж бараа бүтээгдэхүүнийг нь гадаадын болон дотоодын зах зээлд таниулж цаашлаад дэлхийд өрсөлдөхүйц чанартай бараа бүтээгдэхүүн үйлдвэрлэх гарцыг нээх, олон улсын түвшинд хөрөнгө оруулагчидтай хамтран ажиллах, илүү өргөн хүрээнд бизнесээ тэлэх боломжийг олгох түүнчлэн шилдэг дижитал байгууллага, иргэнийг багц сургалтаар олон улсын түвшинд бэлдэх зорилготойгоор Alibaba GDT Mongolia training institution нь үйл ажиллагаагаа явуулж байна.