Товч танилцуулга

Манай байгууллага нь 2016 онд байгуулагдсан, Геодези зураг зүйн салбарын орчин үеийн дэвшилтэд технологи, шинэ програм хангамжуудыг монголдоо нэвтрүүлэн хөгжүүлэхийн төлөө ажиллаж байна. Бидний нэвтрүүлж буй 4D технологийг газрын зураг, уул уурхай, шүүх эмнэлэг, барилгын газар шорооны ажил, барилгын модел, өндрийн шалгалт, газар тариалан, үл хөдлөх хөрөнгө зэрэгт өндөр үр ашигтайгаар ашиглаж байна.

Компани нь газрын зураг зохиох дэвшилтэд технологи болох Агаарын зураглалын технологийг боловсронгуй болгох зорилгоор орчин үеийн тоон камер болон лазерын системүүдийг үйлдвэрлэлд нэвтрүүлэх чиглэл баримтлан ажиллаж байна. Бид Агаар, Сансарын зургийн тоон фотограмметрийн боловсруулалтын ОХУ-ын Ракурс фирмийн “PHOTOMOD” ба “GEOMASOIC”, Агаарын зураглалын боловсруулалтын Швейцарь улсын "Pix4D mapper Pro" зэрэг программ хангамжуудыг өөрсдийн хэрэглээнд нэвтрүүлж эхлээд байна. Мөн түүнчилэн хүнгүй, хөнгөн оврын нисэх төхөөрөмж "Phantom 4 RTK"-г өөрсдийн үйлдвэрлэлд нэвтрүүлэн ашиглаж байна.