ТҮҮХЭН ТОВЧОО:

Монгол улсын төлөвлөгөөт эдийн засгийн чөлөөт зах зээлийн эдийн засагт шилжих үед хийгдсэн нэг гол ажил бол өмч хувьчилал байлаа. Өмчийг хувьчилах үед тулгарч байсан олон бэрхшээлийг нэг нь хөрөнгийг зах зээлийн үндэслэлтэй үнээр үнэлэх явдал байлаа. Иймд зах зээлийн нэгэн шинэ мэргэжил болох үнэлгээчин бэлдэх шаардлага гарсан юм.
1995 оны 12 дугаар сарын 05-нд Засгийн газрын Өмч хувьчилалын комиссын “Хөрөнгийн үнэлгээний төв” байгуулах тухай 35 тоот тогтоол гарсанаар тус компанийн эх суурь тавигдсан юм.
1996 онд Төрийн өмчийн хороо байгуулагдахад түүний дэргэдэх байгууллагаар нэг жил ажиллаад улмаар хөндлөнгийн маягаар ажиллах үүрэг хүлээж өнөөг хүртэл 22 жил үйл ажиллагаагаа тасралтгүй явуулж байна.
Манай компани өнгөрсөн хугацаанд нийт 10000 гаруй иргэд, аж, ахуйн нэгж, байгууллагын хөрөнгийг “шударга, бодитой байх” зарчимд нийцүүлэн үнэлж, манай оронд зах зээлийн эдийн засгийн харилцааны нэн чухал бүрдэл хэсэг болох хөрөнгийн үнэлгээний тогтолцоог үүсгэн, төлөвшүүлэхэд өөрийн бодит хувь нэмрээ оруулж ирлээ.

ҮЙЛ АЖИЛЛАГААНЫ ЧИГЛЭЛ:

Манай байгууллага үл хөдлөх, хөдлөх хөрөнгө, оюуны өмч, бизнес үнэлгээ гэх мэт олон төрлийн үнэлгээг чанарын өндөр түвшинд хийж гүйцэтгэдэг.

• Уул уурхай, орд газрын үнэлгээ
• Бизнес үнэлгээ
• Хөрөнгө оруулалтын үнэлгээ
• Нэр төрийн үнэлгээ
• Бизнес төлөвлөгөө, төсөл боловсруулах, үнэт цаасны талаар зөвлөгөө өгөх
• Үл хөдлөх хөрөнгө үнэлгээ
• Тоног төхөөрөмжийн үнэлгээ
• Аж ахуй нэгжийн бизнес үнэлгээ
• Цагдаа авилгатай тэмцэх газраас томилсон шинжээчийн дүгнэлт гаргах үнэлгээ
• Хувьцааны үнэлгээ
• Шүүхийн маргаантай асуудалд дүгнэлт гаргах
• Газрын үнэлгээ
• Мөнгөний үнэ цэнийг тодорхойлох
• Түүхийн дурсгалт эд зүйлс урлагын бүтээлийн үнэлгээ
• Автомашины хохирлын үнэлгээ
• Бусад хохиролын үнэлгээ