Францын нэрт зохиолч Александр Дюма-н үхэшгүй мөнхийн роман бол түүхэн адал явдалт "Шадар гурван цэрэг" зохиол билээ. Уг романд 1625-1628 оны хооронд Парис руу шадарчин болохоор очсон д'Артаньян хэмээх залуу язгууртан болон түүний гурван шадарчин найз Атос, Портос, Арамис нарын адал явдлын тухай өгүүлнэ. Д’Артаньян нас залуу, цус шингэн гэлтгүй гайхалтай сэргэлэн, гүйлгээ ухаантай, бас хашир, зальтай гэж найгүй, нэмээд адал явдал, үймээн будлианы голд хэзээний л байж байдаг, хөгжилтэй залуу эр юм. Энэ зохиолыг уншиж, сонссон хэн ч түүний хөгжилтэй, эрэмгий, сэргэлэн зан чанарыг бишрэхгүй өнгөрөхгүй. Зохиолч Д’Артаньяны нөхдүүд болох Атос, Портос, Арамис нар ч бас гол баатрын чимэг төдий хүмүүс биш, бүгд өөрийн онцлог зан чанартай, сайхан дүрүүд ажээ. 

Өгүүлэгч: М.Батмагнай